კვლავ უწესო ჭედვის ქართულიდა კავკასიური მონეტების ღირებულებაზე დარუსუდანის ფულად რეფორმაზე..

ანოტაცია

ნაშრომის მიზანია, ახალი არგუმენტაციის მოშველიებით ბოლოდროინდელ ლიტერატურაში გამოთქმული იმ ნოვატორული მოსაზრებების რევიზია, რომელიც უწესო ჭედვის ქართული (და რეგიონული) მონეტების ბუნებასა და რუსუდან მეფის ფულად რეფორმას შეეხება. ჩატარებული ანა- ლიზი გვარწმუნებს ევგენი პახომოვის მიერ ჩამოყალიბებული კონცეფციის სისწორეში: უწესო ჭედვის სპილენძის მონეტებით ანგარიშსწორება წარმოებდა წონით. ნაკლებ მოსალოდნელად გვეჩვენება, რომ რუსუდანს სამონეტო რეფორმა (უწესო ჭედვის მონეტების აკრძალვა ექსკლუზიურად წესიერი ჭედვის მონეტებზე გადასვლით) ტახტზე ასვლისთანავე ქონოდა ჩაფიქრებული. ვთვლით, რომ რეფორმის ჩატარება ჯალალ ად-დინის შემოსევამ და მის მიერ უწესო ჭედვის სპილენძის მონეტების ემისიამ განაპირობა. რუსუდანის წესიერი ჭედვის მონეტების მეტროლოგიური „უწესო- ბა“კი, სავარაუდოდ, კავშირშია ქუთაისში მონეტის ერთმომენტიანად და დროის მოკლე შუალედში მასობრივად გამოშვების აუცილებლობასთან.