იერუსალიმის სამწიროს დედათა ქართული მონასტრისათვის შეწირული ოთხთავი (Jer.Geo.153) და ჯვრის მონასტრის მოურავის იოსებ წალკელის მინაწერი საბუთი წიგნის შემომწირველების - პავლეს, ბასილის, მიქაელ ხუცესისა და ოპიზის მონასტრის მოხსენიებით (1140-1180-იანი წწ.)
DOI:
https://doi.org/10.51364/26679604.jcpr.2021.v02i02.011საკვანძო სიტყვები:
ოპიზა, ჯვარი, სამწირო, ოთხთავი, შეწირვაანოტაცია
ნაშრომში პირველად არის გამოქვეყნებული და შესწავლილი XI-XII საუკუნეების ოთხთავის (Jer.Geo.153) 101r-ზე შესრულებული მინაწერი საბუთი, რომელიც იერუსალიმის ჯვრის მონასტრის მოურავის, ყოფილი წალკელი ეპისკოპოსის, იოსების მიერ არის დაწერილი. მინაწერი საბუთი მოგვი თხრობს, რომ თავდაპირველად ოთხთავი პავლესა და ბასილის საკუთრება იყო. მათ ხელნაწერი მიქაელ ხუცესს მიჰყიდეს, ოღონდ ოთხთავის ღირებულების მხოლოდ ნახევარი აიღეს და ნასყიდობის პირობად განსაზღვრეს, რომ მიქაელის გარდაცვალების შემდეგ წიგნი სამივე თანამფლობლის (პავლე, ბასილი, მიქაელი) სახელით ოპიზის მონასტერს უნდა გადასცემოდა. მოგვიანებით, მიქაელი წმიდა მიწაზე გაემგზავრა და პილიგრიმობისას გარდაიცვალა. ჯვრის მონასტრის იმჟამინდელმა მოურავმა, იოსებ წალკელმა, ოპიზის მონასტერში წერილი გაგზავნა და ითხოვა, რომ ოთხთავი იერუსალიმის სამწიროს დედათა ქართული მონასტრისათვის შეეწირათ. ოპიზელმა მოწესეებმა თხოვნა შეიწყნარეს და ხელნაწერი სამწიროს მონასტერს გადასცეს.
ჩამოტვირთვები
გამოქვეყნებული
გამოცემა
სექცია
ლიცენზია
საავტორო უფლებები (c) 2021 ჟურნალი და ავტორები
ეს ნამუშევარი ლიცენზირებულია Creative Commons Attribution 4.0 საერთაშორისო ლიცენზიით .
